Breaking News

Noel Sean Wedding: ‘நான் ஈ’ பட நடிகரை ரகசிய திருமணம் செய்து கொண்ட தெலுங்கு நடிகை!

‘நான் ஈ’ படத்தில் நடிகர் நானிக்கு நண்பராக நடித்த நோயலும், தெலுங்கு நடிகை எஸ்தரும் ரகசிய திருமணம் செய்து கொண்டனர். நோயல் பிரபல பாடகராகவும் இருந்து வருகிறார்.

Highlights

* நடிகர் நோயலும், தெலுங்கு நடிகை எஸ்தரும் ரகசிய திருமணம்
* தமிழில் மீன் குழம்பும் மண்பானையும் படத்தின் மூலம் அறிமுகமானவர் நடிகை எஸ்தர்
‘நான் ஈ’ படத்தில் நடிகர் நானிக்கு நண்பராக நடித்த நோயலும், தெலுங்கு நடிகை எஸ்தரும் ரகசிய திருமணம் செய்து கொண்டனர். 

தமிழ் சினிமாவில் ‘மீன் குழம்பும் மண்பானையும்’ படத்தின் மூலம் அறிமுகமானவர் நடிகை எஸ்தர். இவர் தமிழை விட, தெலுங்கிலும், கன்னடத்திலும் ஏராளமான படங்களில் நடித்துள்ளார். நடிகை எஸ்தரும், ‘நான் ஈ’ படத்தில் நடிகர் நானியுடன் இணைந்து நடித்த நோயலும் கடந்த சில வருடங்களாக காதலித்து வந்தனர். தங்களது காதலை பலர் முன்னிலையில் வெளிப்படுத்தாமல் ரகசியம் காத்து வந்தனர். இந்நிலையில் இவர்கள் இருவரும் திருமணம் செய்துகொள்ள முடிவு செய்தனர். நோயல் பிரபல பாடகரும் கூட. 

இதையடுத்து நேற்றுமுன்தினம் கர்நாடக மாநிலம் மங்களூரில் உள்ள சர்ச்சில் திடீர் திருமணம் செய்துகொண்டனர். திருமண விழாவுக்கு பிரபல நடிகர், நடிகைகள் யாரையும் அழைக்கவில்லை. ஒரு சில நண்பர்கள் உறவினர்கள் மட்டுமே கலந்துகொண்டனர். நோயல், எஸ்தர் தங்களது ரகசிய திருமண படத்தை இணைய தள பக்கத்தில் வெளியிட்டிருக்கின்றனர். 

No comments