Breaking News

விஜய் சேதுபதியின் 'சூப்பர் டீலக்ஸ்' கதை என்னுடையது- பிரபல எழுத்தாளர் புகார்!

‘சூப்பர் டீலக்ஸ்’ படத்தின் கதை என்னுடைய என்று பிரபல எழுத்தாளர் லட்சுமி சரவணக்குமார் புகார் கூறியுள்ளார்.
விஜய் சேதுபதி நடித்து வரும் ‘சூப்பர் டீலக்ஸ்’ படத்தின் கதை என்னுடைய என்று பிரபல எழுத்தாளர் லட்சுமி சரவணக்குமார் புகார் கூறியுள்ளார். 

நடிகர் விஜய் சேதுபதி நடிப்பில் தியாகராஜன் குமாராஜா இயக்கத்தில் விரைவில் வெளியாகவுள்ள படம் ‘சூப்பர் டீலக்ஸ்’. இந்தப் படத்தின் ஒருப் பகுதிக் கதை தன்னுடையது என்று எழுத்தாளர் லட்சுமி சரவணக்குமார் தெரிவித்துள்ளார். 

‘சூப்பர் டீலக்ஸ்’ படத்தில் விஜய் சேதுபதி, பஹத் பாசில், சமந்தா, மிஷ்கின் மற்றும் ரம்யா கிருஷ்ணன் உட்பட பலர் நடித்துள்ளனர்.இந்நிலையில் ரம்யா கிருஷ்ணன் நடித்துள்ள பகுதியின் கதை தன்னுடைய சிறுகதையான நீலத்திரையை முழுவதுமாக ஒத்துள்ளதாக யுவபுரஸ்கார் விருது பெற்றுள்ள எழுத்தாளர் லக்ஷ்மி சரவணக்குமார் புகார் தெரிவித்துள்ளார்.
இது குறித்து முகநூலில் எழுதியுள்ள அவர் ‘விடுதியில் தங்கிப் படிக்கும் வளரும் பருவ மாணவன் ஒருவன் ஆபாசப் படங்களைப் பார்க்கும் போது எதிர்பாராத விதமாக தன்னுடைய தாயின் ஆபாச படத்தைக் காண நேரிடுகிறது. அதற்கு அவன் ஆற்றும் எதிர்வினை என்ன என்பதே என்னுடைய சிறுகதை.‘சூப்பர் டீலக்ஸ்’ படத்திற்கு நெருக்கமான நண்பர்கள் இதே கதைதான் சூப்பர் டீலக்ஸில் உள்ள ரம்யா கிருஷ்ணன் நடிக்கும் பகுதியின் கதையும் எனத் தெரிவித்துள்ளனர். இதுகுறித்து தியாகராஜன் குமாரராஜாவிடம் இருந்து இதுவரை எந்த பதிலும் வரவில்லை.