Breaking News

காதல் மட்டும் வேணா படத்தில் அறிமுகமாகும் உக்ரைன் மாடல் அழகி!

உக்ரைன் மாடல் அழகி எலிசபெத் நாயகியாக காதல் மட்டும் வேணா தமிழ் படத்தில் அறிமுகமாகிறார்.

உக்ரைன் மாடல் அழகி எலிசபெத் நாயகியாக காதல் மட்டும் வேணா தமிழ் படத்தில் அறிமுகமாகிறார். 

புதுமுகம் ஷாம்கான்என்பவர் தயாரித்து, இயக்கி நடித்து வரும் படம் ‘காதல் மட்டும் வேணா. இந்தப் படத்தின் கதாநாயகியாக உக்ரைன் நாட்டு மாடல் அழகி எலிசபெத் அறிமுகமாகிறார். படத்திற்கு சாந்தன் அன்பழகன் இசையமைக்கிறார்.

இந்தப் படம் பற்றி இயக்குனர் ஷாம்கான் கூறுகையில், ‘‘எனக்கு சினிமாவில் நடிக்கும் ஆசை இருந்தது. பலரிடம் சான்ஸ் கேட்டேன். ஏமாற்றமே மிஞ்சியது. இதற்காக நான்கு வருடம் அலைந்து திரிந்தேன். நடக்கவில்லை. இதனால் சொந்தமாக படம் எடுக்க முடிவு செய்தேன். அந்தப் படத்தில் நானே ஹீரோவாக தற்போது நடிக்கிறேன். எனக்கு ஜோடியாக நடிக்க பல நடிகைகளிடம் கேட்டேன். புதுமுகத்துடன் நடிக்க மறுத்தார்கள். கடைசியில் எங்கள் கதைக்கு பொருத்தமாக இருந்தவர் உக்ரைன் நாட்டில் இருக்கும் வசித்து வரும் இந்திய வம்சாவளி பெண் எலிசபெத்தான். 

ஆனால் நடிக்க மறுத்துவிட்டார்.நாங்கள் பேசி பார்க்கறோம் என்று அவரிடம் போன் நம்பர் வாங்கி பேசினோம். அப்போது அவர் இந்திய படத்தில் நடிக்கும் விருப்பத்தில் இருந்தார். எங்கள் கதையும் அவருக்கு பிடித்துப்போகவே இந்தியா வந்து 20 நாட்கள் தங்கியிருந்து படத்தில் நடித்து கொடுத்துவிட்டுப் போனார். 
இந்தப் படம் வெற்றி பெற்றால் தொடர்ந்து நடிக்க முடிவு செய்திருக்கிறார் எலிசபெத் என்றார் இயக்குனர் ஷாம்கான்.

No comments