Breaking News

தனது மானேஜரை புகழ்ந்து தள்ளிய பிரபல நடிகை ராதிகா ஆப்தே!

நான் அவரிடம் இருந்துதான் அதை கற்றுக் கொண்டேன் என்று நடிகை ராதிகா ஆப்தே தனது மானேஜர் பிரபாத்தை புகழ்ந்து பேசியுள்ளார்.
பாலிவுட் சினிமாவில் முன்னணி நடிகையாக வலம் வருபவர் நடிகை ராதிகா ஆப்தே. இவர் தமிழில் கார்த்திக் ஜோடியாக ‘அழகுராஜா’ மற்றும் ரஜினிக்கு ஜோடியாக ‘கபாலி’ படத்தில் நடித்துள்ளார். இந்நிலையில் சில நாட்களுக்கு முன் இவர் நடித்த நிர்வாண குறும்படம் ஒன்று சமூக வலைதளங்களில் வைரலானது. ஆனால் இப்படம் வெளியானபோது ராதிகா ஆப்தே எந்தக் கருத்து தெரிவிக்கவில்லை. 

இந்நிலையில் தற்போது அவர் நிர்வாண புகைப்படங்கள் பற்றி ஒரு பேட்டியில் கூறியிருப்பதாவது: ‘‘இந்த நிர்வாண புகைப்படம் விவகாரம் வெளியான போது நான் கோபப்படவோ, கருத்து தெரிவிக்கவோ கூடாது. என்னை அமைதியாக இருக்கும்படி பி.ஆர்.ஓ பிரபாத் எனக்கு அறிவுரை கூறினார். அவர் சொன்னபடி நான் நடந்து கொண்டேன். அவரிடம் இருந்துதான் நான் அமைதியை கற்றுக்கொண்டேன். 

பிரபாத் மீது நான் மிகுந்த மரியாதை வைத்துள்ளேன். பெரிய பிரச்சனைகள் வரும் சமயத்தில் எப்படி அமைதியாக இருக்க வேண்டும் என்பதை நான் அவரிடம்தான் கற்றுக்கொண்டேன், அவரை போன்று நல்ல மனிதர் யாரும் இருக்க மாட்டார்’’ என்றார் ராதிகா ஆப்தே.