Breaking News

ராஜாவாக வந்த பிறகு மாநாடு படப்பிடிப்பை தொடங்கும் சிம்பு!

வந்தா ராஜாவாத்தான் வருவேன் படத்தைத் தொடர்ந்து மாநாடு படத்தின் படப்பிடிப்பை சிம்பு தொடங்கயிருக்கிறார் என்று தகவல் வெளியாகியுள்ளது.
வந்தா ராஜாவாத்தான் வருவேன் படத்தைத் தொடர்ந்து மாநாடு படத்தின் படப்பிடிப்பை சிம்புதொடங்கயிருக்கிறார் என்று தகவல் வெளியாகியுள்ளது. 

இயக்குனர் மணிரத்னம் இயக்கத்தில் வந்த செக்க சிவந்த வானம் படத்தின் மூலம் தனது மார்க்கெட்டைப் பிடித்த சிம்பு, தொடர்ந்து படங்களில் கமிட்டாகி வருகிறார். இதற்கு முன்னதாக வந்த அன்பானவன் அசராதவன் அடங்காதவன் படத்தின் தோல்வியைத் தொடர்ந்து சினிமா வாய்ப்பு குறையத் தொடங்கியது. ரசிகர்களின் விமர்சனத்திற்கும் உள்ளானார். 

அப்போது தான் மணிரத்னம் இயக்கத்தில் வந்த செக்க சிவந்த வானம் படத்தில் நடிக்கும் வாய்ப்பு கிடைத்தது. இப்படம் ரசிகர்களிடையே நல்ல வரவேற்பு பெற தொடர்ந்து அடுத்தடுத்து படங்களில் கமிட்டாகி வருகிறார். தற்போது, சுந்தர் சிஇயக்கத்தில் உருவாகி வரும் வந்தா ராஜாவாத்தான் வருவேன் படத்தில் நடித்து வருகிறார். இப்படத்தில் இவருக்கு ஜோடியாக மேகா ஆகாஷ் நடித்து வருகிறார். லைகா நிறுவனம் இப்படத்தை தயாரித்துள்ளது. இப்படம் வரும் பொங்கல் பண்டிகைக்கு திரைக்கு வரவுள்ளது. 
ஏற்கனவே ரஜினியின் பேட்ட மற்றும் தல அஜித்தின் விஸ்வாசம் ஆகிய இரு படங்கள் பொங்கலுக்கு வெளியாகும் நிலையில், இப்படமும் பொங்கல் பண்டிக்கைக்கு போட்டி போடவுள்ளது என்பது குறிப்பிடத்தக்கது.