Breaking News

ரூ.300 கோடி பட்ஜெட்: பூஜையுடன் தொடங்கிய சியான் விக்ரமின் மஹாவீர் கர்ணா!

விகரம் நடிக்கும் புதிய படமான மஹாவீர் கர்ணா படத்தின் புரோடக்ஷன் பணிகள் பூஜையுடன் தொடங்கியுள்ளது.
விகரம் நடிக்கும் புதிய படமான மஹாவீர் கர்ணாபடத்தின் புரோடக்‌ஷன் பணிகள் பூஜையுடன் தொடங்கியுள்ளது. 

தமிழ் சினிமாவில் மாஸ் ஹீரோக்களில் ஒருவராக இருப்பவர் நடிகர் சியான் விக்ரம். இவரது நடிப்பில் அண்மையில் சாமி 2 படம் வெளியாகி ரசிகர்களிடையே ஓரளவு வரவேற்பு பெற்றது. இப்படத்தைத் தொடர்ந்து விக்ரம் நடிப்பில் உருவாகியுள்ள கடாரம் கொண்டான், துருவ நட்சத்திரம் ஆகிய படங்கள் அடுத்தடுத்து வெளியாகவுள்ளது. இந்த நிலையில், இப்படத்தைத் தொடர்ந்து புதிய படத்தின் படப்பிடிப்பை தொடங்கியுள்ளார். 

பாகுபலி 1 மற்றும் 2ஐப் போன்று வரலாறு படமாகவும், ரூ.300 கோடி பொருட்செலவிலும், இப்படம் உருவாகவுள்ளது. அதோடு, மகாபாரத கர்ணனை மையப்படுத்திய இப்படம் கடந்தாண்டே அறிவிக்கப்பட்டுள்ளது என்றும் அதற்காக மஹாவீர் கர்ணா என்று டைட்டில் வைத்துள்ளதாகவும் கூறப்படுகிறது. இப்படத்தை மலையாள இயக்குனர் ஆர்.எஸ்.விமல் இயக்குகிறார். தமிழ், ஹிந்தி மற்றும் மலையாளம் ஆகிய மொழிகளில் இப்படம் உருவாகவுள்ளது. 


இதற்கான புரோடக்‌ஷன் பணிகள் கேரளா மாநிலம் திருவனந்தபுரத்தில் உள்ள ஸ்ரீ பத்மநாபா கோயிலில் பூஜையுடன் தொடங்கியுள்ளது. இதில், மலையாள நடிகர் சுரேஷ் கோபி, உன்னிகிருஷ்ணன் ஆகியோர் உள்பட படக்குழுவினரும் கலந்து கொண்டுள்ளனர். அங்கே படக்குழுவினரிடம் கோயிலில் வைத்து பூஜை செய்யப்பட்ட மணி ஒன்று கொடுக்கப்பட்டது. இந்த மணி படத்தில் விக்ரம் உடன் இருக்கும் 30 அடி தேரின் ஒரு அங்கமாக இருக்கும் என்று தெரிவிக்கப்பட்டுள்ளது. வரும் ஜனவரி மாதம் இப்படத்தின் படப்பிடிப்பு தொடங்கும் என்று எதிர்பார்க்கப்படுகிறது.