Breaking News

பாலிவுட் நடிகர் செய்யாத சாதனையை ‘2.0’ படம் மூலம் பெற்ற அக்ஷய் குமார்!

பாலிவுட் நடிகர் அக்ஷய்குமார், பாலிவுட்டில் இதுவரை யாரும் செய்ய முடியாத வசூல் சாதனையை ‘2.0’ படம் மூலம் செய்து காட்டியுள்ளார்.
ஷங்கர் இயக்கத்தில் ரஜினி நடிப்பில் மிக பிரம்மாண்டமாக வெளியாகியுள்ள படம் ‘2.0’. இந்தப் படத்தில் பாலிவுட் நடிகர் அக்ஷ்ய்குமார் முக்கிய கேரக்டரில் நடித்துள்ளார். மேலும் படத்தில் எமி ஜாக்சன் நடித்துள்ளார். 

இந்தப் படம் தற்போது உலகம் முழுவதும் சுமார் 10,000 திரையரங்குகளில் வெளியாகியுள்ளது. இந்தப் பிரம்மாண்ட படத்தை 600 கோடி செலவில் லைகா நிறுவனம் தயாரித்துள்ளது. 

தற்போது இந்தப்படம் வசூலில் சாதனை படைத்து வருகிறது. சென்னை, ஆந்திரா, தெலுங்கானா, கேரளா, வெளிநாடு வசூல் என பல இடங்களில் வசூல் நிலவரங்கள் வெளியாகி படத்தினை பற்றிய எதிர்பார்ப்பை ரசிகர்கள் மத்தியில் ஏற்படுத்தியுள்ளது. 

இந்த படத்தின் மூலம் பாலிவுட் நடிகர் அக்ஷ்ய்குமார் புதிய சாதனையை படைத்துள்ளார். அதாவது, இந்த படத்தின் மூலம் முதல் நாள் அதிக வசூலை ஈட்டிய பாலிவுட் நடிகர் என்ற பெருமையை பெற்றுள்ளார் அக்ஷய்குமார்.