Breaking News

2.0 Movie: பாலிவுட் சினிமாவை அதிரவைத்த 2.0 பாக்ஸ் ஆபிஸ் கலெக்ஷன்

சமீபத்தில் வெளியான 2.0 திரைப்படம் பாலிவுட் சினிமா வசூலில் ரூ100 கோடி வசூலை தாண்டி சாதனை படைத்துள்ளது.
கடந்த நவ. 29ம் தேதி திரையரங்குகளில் வெளியாகி பட்டையை கிளப்பி வரும் திரைப்படம் 2.0. நடிகர் ரஜினிகாந்தின் நடிப்பில் டைரக்டர் ஷங்கர் உருவாக்கிய இந்த படம் இந்தியாவில் மிக அதிகமான பட்ஜெட்டில் எடுக்கப்பட்ட படமாக கருதப்படுகிறது. 

இந்த படம் தமிழ், தெலுங்கு மற்றும் ஹிந்தி ஆகிய மொழிகளில் நேரடியாகவும் மற்ற பல மொழிகளில் டப்பிங்காகவும் உருவாக்கப்பட்டது வெளியிடப்பட்டுள்ளது. 

இந்தியாவில் மிகப்பெரிய மார்க்கெட் உள்ள திரைத்துறையாக கருதப்படுவது பாலிவுட் என அழைக்கப்படக்கூடிய ஹிந்தி சினிமாத்துறை தான். மிகப்பெரிய ரசிகர் பட்டாளங்களை கொண்டுள்ள இந்த பாலிவுட்டில் ஒரு திரைப்படத்தை வெளியிட்டு ஹிட் செய்வது மிகப்பெரிய விஷயமாக இருக்கும். 

ஆண்டிற்கு நூற்றுக்கணக்கான திரைப்படங்கள் வெளியானாலும் ஒரு சில படங்கள் மட்டுமே ஹிட்டாகிறது. தற்போது சினிமா பாக்ஸ் ஆபீஸ் கலெக்ஷனில் ரூ100 கோடியை கடந்த படங்கள் தான் வெற்றி என நிர்ணயிக்கப்படுகிறது. 

இந்நிலையில் பிரபல பாலிவுட் சினிமா விமர்சகரான தர்ஷன் ஆதர்ஷ் 2.0 திரைப்படம் ஹிந்தியில் ரூ 100 கோடி வசூலை எட்டியுள்ளது என்றும் இந்தாண்டு வெளியான படங்களில் ரூ 100 கோடி வசூலை தாண்டிய படங்களின் பட்டியலை வெளியிட்டுள்ளார். 

அதில் பத்மாவத், சோனு கீ டிடு கீ ஸ்வீட்டி, ரைடு, பாகி - 2, ராஸி, ரேஸ்-3, சஞ்சூ, கோல்டு, ஸ்டிரீ, பதாய்ஹோ வரிசையில் 2.0 படமும் இடம்பெற்றுள்ளது. 

பாலிவுட்டில் பல பிரம்மாண்டமான திரைப்பட இயக்குநர்கள் இருக்கும் நிலையில் தமிழ் சினிமாவை மையமாக கொண்டு எடுக்கப்பட்ட 2.0 திரைப்படம் பாலிவுட்டிலும் இந்தாண்டிற்கான வெற்றிபட வரிசையில் இடம் பெற்றுள்ளது பெரும் ஆச்சரியத்தை ஏற்படுத்தியுள்ளது. 

திரைப்படம் வெளியாகி 5 நாட்களிலேயே இந்த இடம் பிடிக்கப்பட்ட நிலையில் வரும் நாட்களில் புதிய சாதனைகளை இந்த 2.0 திரைப்படம் படைக்கும் என எதிர்பார்க்கலாம்.