Breaking News

2.O Ticket Booking : நள்ளிரவில் துவங்கிய ஆன்லைன் முன்பதிவு!



2.O திரைப்படத்தின் முன்பதிவு நேற்று நள்ளிரவு 12 மணிக்கு துவங்கியது.

ரஜினிகாந்த் நடிப்பில், ஷங்கா் இயக்கத்தில் கடந்த 2010ம் ஆண்டு வெளியாகி மிகுந்த வரவேற்பை பெற்ற படம் எந்திரன். இப்படத்தின் அடுத்த படைப்பாக ஷங்கா் இயக்கத்தில் 2.0 திரைப்படம் உருவாக்கப்பட்டுள்ளது. இப்படத்தில் ரஜினிகாந்த், அக்ஷைகுமாா் நடித்துள்ளனா். படத்திற்கு ஏ.ஆா்.ரகுமான் இசை அமைத்துள்ளாா்.

படம் வெளியாக இன்னும் 4 நாட்கள் உள்ள நிலையில், படத்திற்கான எதிர்பார்ப்பும் அதிகரித்துள்ளது. இப்படத்திற்கான முன்பதிவு தமிழ்நாடு, புதுச்சேரி, பெங்களூரு ஆகிய இடங்களில் இன்று காலை 10 மணி முதல் முன்பதிவு செய்து கொள்ளலாம் என தெரிவிக்கப்பட்டது. 


இந்த நிலையில் 2.O படத்திற்கான முன்பதிவு நேற்று நள்ளிரவு தொடங்கியது. சென்னையைப் பொறுத்தவரையில் துவக்கத்தில் காசி டாக்கீஸ் மற்றும் மாயாஜால் திரையரங்குகளில் முன்பதிவு ஆரம்பமானது. டிக்கெட் புக்கிங் துவங்கியதுமே இருக்கைகள் அனைத்தும் விறுவிறுவென முன்பதிவு செய்யப்பட்டது.