Red Rose Fm

மதுரையில் ரஜினி ரசிகர்களுக்கு சிக்கன், மட்டன் விருந்து!




7
மதுரையில் ரஜினி ரசிகர்களுக்கு சிக்கன், மட்டன் விருந்து!

மதுரை: அழகர்கோவிலில் ரஜினி ரசிகர்களுக்கு மட்டன், சிக்கன், முட்டை என அசைவ விருந்து அளிக்கப்பட்டது.

கடந்த மாதம் ராகவேந்திரா மண்டபத்தில் ரசிகர்களைச் சந்தித்த ரஜினி, மதுரைன்னா வீரம், உங்களுக்கெல்லாம் கறி சோறு போடணும்னு ஆசை. ஒருநாள் அதுக்கு ஏற்பாடு செய்வேன் என பேசினார்.

அழகர்கோவிலில் கிடா வெட்டி கறி விருந்து போட உள்ளதாக பேச்சு அடிபட்டது. பீட்டா சார்பில் ரஜினிக்கு கடிதம் எழுதப்பட்டது. அதனால் அந்த விருந்து கிடையாது விருந்து என்ற அறிவிப்பு வெளியானது.

இந்நிலையில் மதுரை அழகர் கோயிலில் ரஜினி ரசிகர்கள் சந்திப்பு நடந்தது. அங்குள்ள திருமண மண்டபத்தில் சந்தித்த இவர்களுக்கு . ஆட்டுக்கறி விருந்தளிக்கப்பட்டது. பொதுமக்களும் இதில் பங்கேற்றனர். ஆனால் கிடா வெட்டாமல் வெளியிலிருந்து கறி சமைத்து விருந்து வைத்தாக தெரிகிறது.

இந்த விருந்தில் 200 கிலோ சிக்கன், 200 கிலோ மட்டன், 1000 முட்டைகள் சமைத்து பரிமாறப்பட்டது. இந்த ரசிகர்கள் சந்திப்பில் ராகவா லாரன்ஸ் சிறப்பு விருந்தினராக பங்கேற்றார்.

மன்றத்தில் தீவிரமாக பணியாற்றியவர்களுக்கு தையல் எந்திரம், வேட்டி, சேலை, சில்வர் பானைகள் மாற்றுத்திறனாளிகளுக்கு 3 சக்கர மோட்டார் சைக்கிள், மாணவர்களுக்கு கல்வி உதவித்தொகை என நடிகர் ராகவா லாரன்ஸ் வழங்கினார்.
Share on Google Plus

About Red Rose Fm Sri Lanka

    Blogger Comment
    Facebook Comment

0 comments:

Post a Comment